施匡翹處女騷緊張 蔣嘉瑩畀滿分
歌手蔣嘉瑩（Vivian）與師妹施匡翹（Zaina），早前一齊翻唱Vivian的首本名曲《假如真的再有約會》，二人前晚於尖沙咀舉行小型音樂會，Zaina坦言首度唱Live，心情緊張：「師姐對我好好，喺音樂上幫我好多，我哋之前為合唱歌錄音，我怕感情唔夠，佢畀咗好多意見我。（擔心唱現場失手？）希望唔會。」
Vivian讚小師妹唱功100分：「我哋合唱時，冇將佢同原唱比較，因為每個人都有唔同演繹風格，女女合唱有新鮮感。監製幫首歌重新編曲，感覺好Soft，有唔同新景象。」