鄭子誠奸得有層次
藝人鄭子誠前晚以大使身份出席攝影展活動，與太太劉倩怡及抗癌歌手李明蔚同場。子誠提供了一張親自拍攝的照片，相中太太與家傭及四隻狗狗齊齊望向鏡頭展露笑容，他認為很有紀念價值。
問到近況，鄭子誠透露除了電台工作，亦有拍劇集及網絡短片，笑言拍片都離不開做有陰謀的角色：「我唔想係咁，但現實上係咁，就算我做得幾正直，到最後都有個扭橋。（拍多啲網片好搵啲？）係接觸到唔同層面，有唔同發揮空間。（仲有咩想挑戰？）都係走唔出要做奸人，但想做一個立體嘅奸人，唔係咁表面，係有變奸嘅原因，當然要有足夠篇幅。記得80年代任達華《新紮師兄續集》嘅韓彬，令我印象好深刻，當然之後都有好多演員演奸角都好出色，例如張家輝。」