李家鼎節目添食忙到嗌救命
再次榮升食肆老闆的藝人李家鼎昨日新店開張，以燒鵝和靚湯做主打。對於在逆市下開業，他說：「時也、命也、運也，一切上天安排，最緊要做好本分。（用口碑？）梗係，啲客食完最緊要開心，返唔返嚟再食都係其次。」他坦言以幕前工作行先，若無綫有通告一定做。
問到何時開拍《阿爺廚房4》？他說：「之前啱啱去完南海，搵番啲老師傅煮古舊嘅菜式，係阿爺、太公年代嘅食品，見到勾番起啲記憶。過去3輯差唔多有300道菜，拍埋第4輯應該過400，9月中就埋位，到時忙到嗌救命，仲會去澳門取景，12月播。」問到可有加人工？他笑言：「公司有冇咁好呀？咁我哋係合約藝員，唔可以咁就話加人工，完咗約再傾就得。（幾時完約？）未咁快。」