連詩雅年年驗身驚A Cup下垂？

鬼妹仔性格的連詩雅，經常用錯詞語。

連詩雅、雨僑及陳嘉莉昨日到尖沙咀出席關注女性健康活動，連詩雅表示自25歲後，非常關注身體健康，每年都有驗身，並衝口而出：「驚會下垂呀！」隨後她自知有語病，即尷尬解釋：「我係話身體機能下降，哎吔！我都冇（胸），點下垂呀？」

談到體檢經驗，她自爆12歲時已買保險：「當時要做婦科檢查，睇吓發育得健唔健康，嗰時我乜都唔識，幫我嘅係一個男醫生，依家諗番都覺得唔係咁方便。雖然好多婦科聖手係男性，但我諗第時生BB，應該要求搵女醫生。」又稱稍後拍攝《使徒行者3》：「同袁偉豪有一啲回憶片段，好似話涉及一夜情，但未知詳情。」

雨僑全力造人

同場的雨僑被問是否有「好消息」公布？她笑言：「冇呀，有會同大家分享。其實我結咗婚咁耐，同老公（羅力威）各有各忙，直至近排先可以一齊多啲去旅行，嚟緊又會去布吉。（全力造人？）乜都有啲啦，食吓玩吓，所以大家都肥咗。」又讚老公有做生意潛質：「我啲生意佢真係幫到手，例如網上店舖嘅系統更新，佢可以幫我同啲技術員聯絡；有時拍片影相嘅器材，佢又可以幫手揀，我哋冇因為工作而鬧交。」

連詩雅冇身材，眾所周知。

陳嘉莉（左起）、連詩雅與雨僑，呼籲大家定期驗身。