林夏薇爆陳家樂係豬隊友
藝人陳家樂、林夏薇（薇薇）前晚為無綫節目《娛樂大家》錄影，講到玩遊戲，家樂自認最醒，但不忘讚薇薇直覺準，她即刻爆料：「啱啱試玩先發現佢係豬隊友！我救咗佢兩次，仲反指我係兇手！」問到家樂為何最叻玩遊戲？他直認性格唔服輸，身旁的薇薇聞言唔覺意一爆再爆：「佢係玩家！」衝口而出後發現唔對路她再修正：「我指係遊戲王！」
身為節目主持的汪明荃昨日72歲生日，眾藝人送上巨型蛋糕祝賀，家樂、森美、黎諾懿、張頴康、陸浩明和丁子朗齊齊嘟嘴扮錫，蘇永康則獻上「真吻」，氹得她眉開眼笑，更即時「點燈」將蛋糕上的忌廉賜予每位「男丁」。
談到老公羅家英拍ViuTV節目，有一幕打美女Pat Pat？她表示不知情：「劇情需要咋？你問佢啦！（要備案？）唔使，冇咩需要，咁大年紀同後生女一齊拍嘢都係搞笑啫。」