朱晨麗送個人畀何廣沛
藝人朱晨麗（朱朱）昨日出席活動，春風滿面的她被問是否陪完緋聞男友何廣沛到泰國慶生太開心？她即嘴角含春笑說：「我冇送禮物，我哋成村人去泰國同佢慶祝生日，仲想點？我都想有人同我慶祝。（何廣沛話有人飲醉？）佢醉咋！（見到你就醉？）我負責調酒，加幾多酒精就睇吓同佢有幾Friend。（佢讚你係無價？）好感恩，多謝讚美。」
對於二人緋聞傳足兩年，經過泰國之旅後是否更加深了解？她說：「兩個人唔係咁易了解，要時間，成班人開心就得。（下次兩個人去？）我個期好難度，好忙。」她又表示右手甩骹已經痊愈，沒有後遺症。另外，提到有份參演的劇集《多功能老婆》傳10月播映，她表示未收到公司通知，但很期待，因好耐沒見過同劇的楊千嬅。