林欣彤情傷未愈再拍拖有保留
歌手林欣彤昨日到電台宣傳新歌《失戀的人站起來》，指新歌是其寫照，安慰失戀者，她說：「我安慰人唔會叫佢唔好諗，反而叫佢喊晒出嚟發洩一場。自己失戀都係咁，喊晒為止，唔會扮冇嘢呃自己。」她表示試過失戀時最厲害是連喊數小時，喊足幾日喊到眼腫，並笑說：「我有個經驗之談，雪凍匙羹敷眼對消腫有幫助。」問到若遇上衰人，失戀會否冇咁傷？她笑說：「就算係衰人都會喊，你由得佢做衰人，即係好愛佢。」
講到現在的愛情觀，林欣彤承認不會再像年輕時那樣勇敢：「自己有段長時間冇拍拖，都諗如果再拍拖，但又未去到結婚，會睇耐啲先，唔會全副心機放晒落去，因為唔夠膽、嚇怕咗，如果真係冇咗就太傷喇！」提到最近與健身教練傳緋聞，她表示只是去做運動時碰面，大家不會有避忌。