姚懿芠被揭曾戀Judas黃嘉雯再惹C疑

《2019香港小姐競選》將於9月8日假將軍澳電視城舉行決賽，10強佳麗為三甲寶座積極備戰之際，連日來亦不停被爆料。佳麗姚懿芠（Vivian）被質疑性取向後，早前親口否認曾與打扮男性化的Tom Boy（TB）拍拖後再度被「狙擊」，有讀者提供她一系列「TB相簿」，力「證」她集女兵郵的豐功偉績，其中一張正是她與承認是女同性戀者的網紅、Busker羅凱鈴（Judas）夜蒲合照。

拍拖清一色TB

首度曝光的蜜照中，身穿便服的Vivian和Judas稚氣未減，二人疑在卡拉OK房尋開心，玩到身貼身又擺出「超人」賣萌甫士，甜蜜合拍；而其他四位「女兵」亦個個蓄短髮作中性打扮，驟眼難辨雄與雌。爆料者自稱是Vivian中學同學，指她的性取向一早通天：「佢曾經同羅凱鈴（Judas Law）拍拖，身邊所有人都知道，佢基本上所有戀愛都係TB，喺讀中三時過英國，喺英國認識同拍拖嘅都係TB。」

Judas

黃嘉雯乃今屆港姐大熱人選。

除了性向成疑外，有指出身富裕家庭、家住九龍塘豪宅的Vivian其實是「舢舨充炮艇」，爆料者說：「佢住天水圍天晴邨公屋，多次向朋友講大話，例如話屋企好有錢、有三個工人。」又指稱Vivian讀中學時有人撐腰，更試過匿學校廁所「煲煙」而被罰。

Judas被揭跟Vivian曾是「戀人」關係，昨日她接受訪問時坦承二人是「好Close嘅朋友」，並說：「我哋係讀中學時候識嘅，私下有一齊去街，但唔係拍拖，因為好多年冇聯絡，所以唔講太多啦！」

中學時期去隆胸？

至於另一佳麗黃嘉雯（Carmaney），由參選至今一直表現不俗，但可愛之人亦有可恨之處，有自稱是其中學同學的爆料者指她是「姣精」一名，常與男同學埋堆，且懷疑她中學時已隆胸：「識佢時明明係平胸，但突然間好好身材。」而被指是選美控的她，早年出戰國際小姐比賽時，已被網民指她胸部線條不太自然，而她曾自稱身材是純天然非「打假波」，又分享豐胸秘方就是食豆腐、飲奶及多得媽咪的優良遺傳。