馮盈盈帶男友出道拍住吹水

更多新聞短片

馮盈盈話帶男友見識大場面，更爆他有意幕前演出。

馮盈盈、周柏豪、吳業坤及泰臣昨日出席由他們聲演的電影《憤怒鳥大電影2》首映，盈盈的男友寶寶、好友麥明詩及江嘉敏到場支持。寶寶初時不欲上鏡，但最終跟盈盈大方翹手合照，非常甜蜜。盈盈稱寶寶昨日專登放假，邀請了十八位朋友捧場，非常有心。

有意幕前演出

講到男友表現怕醜，她笑言因對方沒有星級化妝師及髮型師打造形象：「佢至今未有面對鏡頭嘅經驗，佢有意幕前演出，但要考完專業醫生資格先，佢已經考到風濕及臨床免疫科資格，所以今日帶佢嚟見吓大場面當熱身。希望佢下次可以上嚟我同麥明詩個節目《#後生仔傾吓偈》做嘉賓，將來大家可以拍住上，佢講醫學，我講飲食，好似神鵰俠侶咁。（開個節目畀你哋？）可以呀！」盈盈向來以寶寶來稱呼男友，她指男友最近欲改名，轉叫鍾醫生。

周柏豪拒談刪相

另外，周柏豪前日突然將IG所有照片刪除，有傳因他早前呼籲網民登記做選民，引來內地網民非議有關。昨日公關事先表明柏豪不接受訪問，他在現場表現如常，但當問到刪相因由，他即雙手合十說：「Thank you！」然後離開。

泰臣（左起）、馮盈盈、周柏豪、麥明詩及吳業坤開心睇首映。

周柏豪匆匆入場沒有受訪。