- on.cc 東網主頁
- 3月27日 (四)
「三蟹」邵仲衡、陶大宇和郭政鴻繼早前為鄭少秋的演唱會擔任嘉賓後，最近又再重聚，以七位數酬勞接拍手機遊戲廣告，大玩辦公室政治，更滲入三國誌的典故，包括「樂不思蜀」、「七步成詩」及「美人計」等，其中大宇更被要求做出其經典Emoji（表情符號）的掩面動作，效果搞笑。遊戲還加插了《大時代》中經典的「掟仔落街」情節，並應用在遊戲中輸家一方，有如「神劇」重現。
原來今次是邵仲衡促成合作，並有意拉攏大宇及鴻仔組成男團，利用三人各自的專長表演，仲衡說：「大宇話晒都係登台王，又唱得，鴻爺舞得又武得，我又Talk得，我哋三個人嘅組合發揮空間好大，真係要搵老闆傾吓搞吓騷！（酬勞？）其實出面覺得我哋三個太貴，最慘係大宇貴！」鴻仔即笑說：「好彩大宇今次就我哋（酬勞）先拍到！」問到今次酬勞可感滿意？他們說：「合理價啦！最開心係可以吸納一班較年輕既Game迷，我哋三個係好兄弟，一齊做嘢又開心，希望今次拍廣告後，可以繼往開來，三蟹組合長做長有。」
手機遊戲公司負責人Kenny則說：「呢個黃金組合，要七位數先請得郁！」並揚言若瀏覽過百萬便開發第二輯，希望邀鄭少秋及李麗珍等加盟。
文：影視組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
