葉翠翠宣布佗第3胎

現年37歲的前港姐冠軍葉翠翠，2015年下嫁商人周曉東，婚後育有2歲大仔Jake和1歲的囝囝Triton。昨日她在社交網公布喜訊，表示懷有第三胎，並晒出一張超聲波圖和驗孕棒照片，她發文：「本來都沒有打算再來一個，可能上天覺得我哋屋企未夠熱鬧。今次連懷孕咗都唔知，發現好似咁耐都未月經，便試吓用驗孕棒。嚇到手震。」又表示經過多番確認後，才相信自己第三度懷孕。

「之前搞咗成年都未有」

就此聯絡上葉翠翠，她表示當得知再懷孕時，自己亦嚇了一跳，開心地說：「因為本身覺得兩個小朋友夠喇！後來發現月經遲來，而因為之前搞咗成年都未有小朋友，所以屋企有好多驗孕棒同排卵棒，我即刻去驗。試完一次以為壞咗，試到第三支，我就打畀中醫問會唔會驗錯，醫生話唔會，仲話我補身補得太好。」她表示仍未相信事實，故再作第四個品牌的驗孕棒驗測，當得知結果後，自己手都震埋。

老公好開心

問到其夫得知將再做爸爸後有何反應？她笑說：「其實生完第二胎後，老公反對我再生，話會好辛苦去照顧。到今次證實咗，好奇怪，佢又好開心喎！」