好多人都會讚女仔人比花嬌，但係花都有好多種，有茉莉花、玫瑰花，亦有曼陀羅花嬌艷卻又帶有毒性，到底佢哋係讚緊女仔似邊一種花呢？至於仲村美海就話自己似百合花喇！
每種事物都有其多面性，好似睇女仔咁，從不同角度欣賞，總會發現有不同之處，但係亦會有將不同美態集於一身嘅女仔，好似仲村美海就係最佳例子。
今年27歲嘅仲村美海擁有一種懾人嘅姊系風韻，綺麗美艷卻又唔會令人覺得高傲無比。提到美海嘅氣質，唔笑嘅時候散發出妖媚邪氣，但係面露笑容時卻一笑生花，予人感覺親切又迷人，可以話集正氣與邪氣於一身。而迷人嘅仲有美海嘅鮮嫩而具透明感嘅極品身材，曲線玲瓏，一對E奶堅挺飽滿，臀部亦夠圓夠翹，呢副胴體實在誘人之極。
仲村美海喺18歲嘅時候諗住讀美容學校，希望喺美容界闖一番事業，之後又改變主意，轉咗去讀護理學校，希望做看護照顧老弱傷病人士。及後佢被藝能事務所睇中，2017年以超新星姿態進軍寫真界，由於阿妹艷麗迷人，被稱讚充滿潛質有前途。
不過，寫真女優要一直保持人氣絕對唔容易，而美海成名之後有一陣日子冇晒消息，直到近期至重新喺寫真界活躍起嚟。早前佢就為雜誌拍攝一輯性感寫真，以百合花為主題，一來寓意人比花嬌，二來百合花嘅花語為「洗練之美」，意思即係話美海經過低潮之後美態更為吸引，將會更有實力同熱誠喺寫真界發展。
簡介：近期仲村美海頻頻出席攝影會以及為雜誌拍寫真，而阿妹會將部分寫真照上載到社交網，大家一齊去睇喇喂！
網址：https://twitter.com/n_miu0531
年齡：27歲
身高：5呎2吋
三圍：34E-24-35
撰文：賢