馮盈盈無力開口靜音益男友
藝人馮盈盈、周柏豪、吳業坤與泰臣最近為動畫電影《憤怒鳥大電影2》獻聲，首次配音的盈盈稱，配音不但改善其懶音問題，男友亦受惠：「我一日要配八個鐘，又要配幾日，返到屋企已經唔想再講嘢，男友好開心，發現屋企靜咗好多，氣氛都和諧咗，因為我連鬧交都冇力。」
問到配音的最大難度？她笑言：「喺套戲入面經常要寸吳業坤，但我本身係一個心地善良又溫柔嘅女生，真係好難做，好在諗起吳業坤個樣就得咗，朋友話聽到我把聲好想兜巴星我。」
周柏豪揸車「自爆」
電影主角叫「憤怒鳥」，問四人遇到甚麼事會令他們「憤怒了」？柏豪坦言：「揸車時，見到啲人無理Cut線、唔讓路，我唔會騷擾到人，但會喺車入面自爆，之後睇番行車紀錄儀段片，聽到自己鬧人都覺得幾過分。」吳業坤也跟柏豪情況類似，但他笑謂：「我會爆人，唔係自爆。」在旁的盈盈則表示若他人辦事效率太慢，會令她感到不耐煩，而泰臣則是跟朋友食飯時，每個人也沒有給意見，會令他很火大。
吳業坤服裝：Coach、The Kooples
馮盈盈服裝：MARYLING、 RENE CAOVILLA
髮型：Haffman Cheng（泰臣）