李靖筠靚聲奪人唱得其樂

李靖筠(Gladys)今年以樂壇新人姿態出擊,不單止唱得,甚至彈得兼作得,更自爆沖涼時,特別有創作靈感。東網節目《娛場》派出主持人禮賢同學(Joey)跟Gladys大談入行經過,Gladys透露去年剛巧有個空窗期,每天靠做Gym和看戲打發時間,卻感到生活乏味,她說:「因為之前都有寫歌,趁住有時間索性喺網上平台發布歌曲,但原來過程好辛苦,要自己彈、編歌、混音同唱埋,不過學到好多嘢。就係咁啱有個合約機會,我又覺得時間啱啱好,就行出咗呢步。」

Gladys入行至今均以短髮示人,給予大家男仔頭的感覺:「好多人都話我個樣唔OK,我都有睇過唔少網民留言,都係話我唔靚,可能大家都標籤咗藝人,對娛樂圈嘅工作者外貌要求好高。」Gladys坦言起初有點介意,但後來想通了:「有咩好得過樣衰都有份工,奈我唔何?」

http://bit.ly/2YtrV2y