江美儀狼死打人有「報應」

藝人江美儀和導演張之珏昨日出席舞台劇《但願人長久》籌款專場記者會，張之珏表示十幾年前已睇中江美儀：「嗰陣已經覺得佢好鬼正，批佢會大紅。」問江美儀是否一口答應邀請？她大呻：「導演好偏心新演員，因為佢會請佢哋去酒店食嘢傾偈，但我就淨係一個電話。」她又透露角色有難度：「要打人，唔只一巴，打到情緒停為止，但我都會被人摑足10晚。」又指角色有情慾對白及情節，但賣關子不肯講尺度，只笑言：「more than sexy，係誘惑。」