名媛徐綺雯（Candy）到杜拜旅行，五日四夜的行程十分緊密，參觀了清真寺、法拉利世界、沙漠、水上樂園與海豚近距離全接觸。她影了不少靚相放於社交網，當中不乏比堅尼照，實行大騷Fit爆身材。Candy表示今次最開心可以同海豚玩：「海豚真係好得意，未試過咁近距離，而且仲可以錫海豚，雖然價值唔平，但真係好值得！」
Candy又表示到沙漠是一個很好的體驗：「可惜天氣真係熱到飛起，而且有大風沙，所以一定要包到密密實實，一唔包頭，啲沙就會入口，不過係一個好好嘅體驗，可以去騎駱駝，玩滑沙，夜晚又有個營火會，有跳舞表演，又可以玩手蠟，好好玩，但感受過一次就夠，因為實在太熱喇！」