阮兆祥開騷追夢唱心聲
藝人阮兆祥昨日為十月的演唱會舉行記者會，他說：「我第一隻唱片係1989年，今年係30年，值得紀念。」他又透露新歌《大夢想家》是自己心聲：「唔係淨係得年輕人先可以追夢，中年人都有權利，我都有諗過係咪做棟篤笑比較安全，但始終自己係以歌手身份加入呢個圈，所以我從來冇忘記過歌手夢。」
問到在麥花臣場館開騷可用操練？他表示每次開演唱會都會減磅，因為覺得輕盈些，體力好些。他又謂開騷不是為賺錢：「今次個騷啲歌適合唔同年紀嘅人，希望大家都有共鳴！今次用咗啲預算邀請咗16人嘅樂隊，亦有好多機械裝置。」問到好友王祖藍及李思捷可會做嘉賓？他表示不會：「三晚都有固定嘅嘉賓，係個女新人。」