恭碩良開騷林憶蓮冇影

歌手恭碩良前晚假麥花臣場館舉行入行20年紀念騷，衛蘭、林德信等不少藝人捧場，但他的女友林憶蓮則未見影蹤。甫開騷他就彈結他大騷指功，自嘲每次開騷都撞正打風，今次已是第三次：「唔好以為我平時喺後面打鼓好得戚，依家企前面就好似剝晒衫褲望住你哋咁！」繼而笑爆話發現有觀眾瞓着：「好Feel到瞓着？大家可以一齊企起身幫助血液循環同消化。」尾聲時，他笑言將自己的歌比喻為「成人」，已過了21歲：「啲歌陪伴咗我長大，冇諗過當音樂做職業，7歲被人踢入音樂會後就沉迷打鼓，冇諗過可以錄唱片，仲做咗個定居香港嘅澳門人。」