姚羽嘉豪爽突圍 馮盈盈望合作搞笑
本屆港姐即將舉行淘汰賽，佳麗之一的姚羽嘉愈戰愈勇，記者會上獲推舉為師姐馮盈盈的「勁敵」，麥明詩更指她「青出於藍」，完全真我個性盡流露，省掉扮淑女過程！
「2019香港小姐競選」昨午舉行記者會，席間無綫非戲劇經理陳旭亮宣布9月8日決賽前，先於8月13日活動中淘汰幾位佳麗：「8月13日會有才藝表演同問答環節畀佳麗突出自己。（淘汰幾多個？）未定，不過預算會有10至12位佳麗參加9月8號決賽。」
昨日活動上，姚羽嘉憑爽朗豪邁性格獲嘉賓周奕瑋及師姐馮盈盈睇好，盈盈直言希望日後有機會拍住對方主持搞笑節目，麥明詩更打趣說：「佢比盈盈勁，盈盈選港姐都扮過吓淑女，佢一嚟就真我個性盡流露嘞！」
蔡嘉欣收身晒泳裝
姚羽嘉與其他兩位大熱佳麗蔡嘉欣及黃嘉雯受訪時，蔡嘉欣亦說：「佢（姚羽嘉）真係活潑開朗，搞到我哋都老咗，青春確係唔同啲。」姚羽嘉被問到是否對入圍三甲更添信心？她說：「又冇諗呢啲嘢，淨係希望盡最大嘅努力。」
談到8月9日佳麗將首次以泳裝示人，蔡嘉欣坦言：「因為打風延遲咗，多咗時間畀我哋瘦身，之前日本外景飯餸好美味。」黃嘉雯則表示日本外景曬黑而回，會爭取時間做美白。蔡嘉欣談到被傳獲男友租住豪宅，她說：「男友係精神上支持我，屋係自己租嘅，我覺得大家要欣賞獨立自主嘅女性。我由15歲開始做兼職模特兒，儲到錢嘅。」
盈盈與明詩提到早前與佳麗到熊本拍外景，盈盈自爆：「我比較怕鬼，但大會安排我瞓單人房，咁啱依家農曆7月，好彩我搵到個工作人員願意同我孖鋪，我又好『坦蕩蕩』咁喺房行走，多得同房包容我。」