文凱玲暗戀男生跟到返屋企
不少男士視為女神的文凱玲（Connie），早前為網上平台拍片演繹一段「港鐵跟蹤情緣」，片中男生在港鐵發現女神Connie並一見鍾情，之後每日都在同一月台再遇上，有次因列車急煞，男生出手扶住她，兩人因此相識並開始約會。網友睇片後大讚題材寫實，又讚Connie的OL打扮冇得頂！
片中被暗戀，現實生活中的她卻經常暗戀人，並自爆中學時曾暗戀過幾個男生，其中一個更長達三年：「我會成日去睇佢打波，甚至跟住佢返屋企，睇佢住邊。（最後有冇一齊？）有同學代我向佢表白，但佢好絕咁話完全唔鍾意我，我個心碎晒！以前我會比較勇於表達自己，唔怕人知，但愈大愈矜持。」