歌手周國賢昨日出席隱形眼鏡活動，已做激光矯視的他自爆貪靚，會戴有顏色的隱形眼鏡。問到三位女兒可有近視？他說：「有兩個因為玩得電話多都有，呢個年代冇得唔畀佢哋用電話，但要控制時間。」提到大女已17歲，問到可接受女兒帶男友回家「見家長」？他笑說：「唔好講呢啲，唔好刺激我！冇辦法，都要成長，情願佢哋開心，同埋會享受人生。」他並透露最近為電影練習打拳，日操夜操，身形消瘦不少，故需要增磅。
