夏韶聲行路唔帶眼焗住扮教主
藝人夏韶聲在ViuTV劇集《REBOOT》中飾演邪教教主，拍攝過程頗為辛苦，要於炎炎夏日穿三件大褸焗住開工：「加埋個面具，真係畀蒸氣焗到睇唔到路！」扮演邪教教徒的岑樂怡（阿妹）及何啟華（阿Dee）以小風扇幫夏韶聲散熱，十分貼心！
阿妹表示有幸與偶像夏韶聲合作，笑言比見到UFO更開心。不少人知她要演邪教教徒都問她有否床戲，夏韶聲即表示拍攝床戲十分辛苦：「有次要抱住女演員，佢要扮掙扎，結果我畀佢整損手，又有場掌摑戲，導演叫我大力摑落去，最終我大大力一巴掌打埋佢，佢喊得好自然，順利收工。」