袁偉豪曾經滄海睇唔慣寶兒
袁偉豪與楊明遠赴哥倫比亞拍攝節目，楊明奉旨在街頭撩女仔但頻食檸檬。袁偉豪笑謂看慣哥倫比亞豐滿美女後，回港看見女友張寶兒需要時間適應。
無綫藝員袁偉豪與楊明昨日在將軍澳電視城宣傳節目《打工捱世界III》，兩人指新一集是最辛苦的一次，起程時已波折重重，花了40小時多番轉機才到達哥倫比亞，更在18日內搭了11程飛機，袁偉豪笑說：「去到美國過境，有工作人員畀海關扣查，所以錯過咗航班，落到機個樣都殘晒，但我哋堅持全程冇化妝，希望最貼地咁拍節目。」楊明笑說：「一落機就去拍跳拉丁舞，真係面都青埋。」
礦洞幽閉恐懼
二人此行要冒險到礦坑採礦打工，楊明指深入礦洞時也有點幽閉恐懼，欲盡快離開，但苦盡甘來，之後則盡享艷福為選美節目招募，他笑說：「今次落晒order要(目及)女，喺街度搵啲少女參選，我十幾歲就試過喺街識女仔，今次當然食咗好多檸檬，不過都要厚住面皮。」袁偉豪則笑謂看慣哥倫比亞身材豐滿的女仔後回港不習慣，問到看見女友張寶兒可有不慣？他笑說：「有呀，不過瞬間就習慣番，哈哈。始終兩個地方水土唔同，我哋喺嗰邊食得多牛油果、飯都脹咗，嗰邊嘅女士身材就更加唔使講啦。」
願拍到六十歲
愈拍愈辛苦，袁偉豪起初也跟楊明商量過這是最後一輯，但拍攝不久已打消這個念頭，就算拍到五、六十歲繼續四出打工，效果也很搞笑，對節目始終有情意結。