陳庭欣胸狠膝撞打足幾粒鐘

陳庭欣拍攝前節食兼狂做運動，務求演出完美。

擁33.5C「蜜桃胸」的陳庭欣，日前為男友Benny有份投資的健身修煉館拍代言廣告。穿運動Bra Top的她露胸晒腿，又打又跳香汗淋漓，相當落力。她跟拳擊導師試位時施展勾拳兼膝撞，打足幾粒鐘，攰到冇晒力，頻頻飲汽水補充能量繼續「搏鬥」。而Benny亦有到場探班，眼見女友如此落力，即為Toby抹汗和按摩，認真識做。

男友專攻美容

Toby受訪時透露修煉館佔地千呎，集合健身、跳舞、泰式按摩、美容和中醫調理五項範疇：「男友係其中一位投資者，佢哋有自己專長嘅知識，我男友就專攻美容，健身係另一位投資者強項，第三位係中醫，所以呢個修煉館好完善。」

節食控制體重

她否認收友情價：「錢方面男友好均真，係同TVB聯絡。（你好落力喎！）係呀，除咗係男友有份，其他投資者都係我朋友，加上好鍾意做運動，又鍾意跳舞，一直好想做健身代言。今次廣告拍足近20個鐘，真係好攰。（事前做足準備？）要盡全力，自己收身囉！食嘢控制體重幾星期，又狂做運動，都好大壓力o架，因為想做到完美。」

陳庭欣出盡全力起勢踢。	做到身水身汗的陳庭欣零怨言。	有男友探班，陳庭欣特別落力。