靚佬湯冇得紮職原因好神秘！
荷里活男星湯告魯斯（Tom Cruise）備受期待的新作《壯志凌雲：獨行俠》（Top Gun: Maverick）預告片曝光，除有他駕駛戰鬥機的英姿外，還有不少熟口熟面的畫面，向前作致敬！
靚佬湯憑1986年電影《壯志凌雲》（Top Gun）成名，相隔多年準備開拍續集之際，導演東尼史葛（Tony Scott）卻於2012年自殺，導致製作押後。電影換上《創戰紀》（Tron: Legacy）導演Joseph Kosinski重新出發，首個預告片終於出爐，由靚佬湯驚喜現身聖迭戈動漫節公諸於世！
機師英姿滿足戲迷
他向觀眾說：「我覺得係我嘅責任去畀大家睇預告片，對我嚟講，《壯志凌雲》係關於競爭。」他又透露預告片中的飛行場面，是與海軍緊密合作真實拍攝，並非電腦特效。
預告片中，靚佬湯飾演的海軍航空隊機師回歸，被艾哈里斯（Ed Harris）飾演的上級質疑，為何這麼多年他的軍階仍停留在上尉，未能晉升，他回答：「人生就係咁神秘。」預告片當然少不了大量靚佬湯駕駛戰鬥機的英姿，從航空母艦起飛後，飛過大海、沙漠與冰山，更出現向前作經典場面致敬的鏡頭，如靚佬湯在機場駕駛電單車，追趕起飛的戰鬥機，配合由Harold Faltermeyer創作的經典配樂，讓影迷懷舊一番！新加入的女主角珍妮花康納莉（Jennifer Connelly），則有約兩秒鏡頭。