李家鼎黃淑儀「互彈」幾十年
藝人李家鼎、黃淑儀（GiGi）昨日現身書展參加新書講座，更即場簽名交換新書。講到李家鼎推出第3本食譜，問到可有與GiGi交流煮食心得？他抵死笑說：「互彈咗幾十年！」GiGi聞言即大叫反擊：「邊有彈過！」李家鼎正經接話：「我哋係互相欣賞、磨合、研究新菜。」
問到可有留意無綫節目《我的寵物》播出後的網友評價？李家鼎說：「我都唔識字，冇咁多時間睇。」記者追問到關於他於節目中教煮狗食物時落鹽、冇拆魚骨一事，又被他截停：「今日唔講其他嘢，只會講人食嘅嘢，呢啲嘢見仁見智。（睇到批評會唔開心？）鬧就應該要開心，證明佢哋有睇節目，彈、讚都開心，檢討完之後先有進步，人冇完美，只有盡量做到最好。（通訊局接到164宗投訴。）你依家講我咪知囉！（公司有搵你？）冇。」