胡杏兒：我好似製奶機器！
藝人胡杏兒昨日出席商場活動，剛生完細仔Ryan、坐完月的她，尚未收身，透露距離目標體重尚欠10磅，即使有人贊助收身療程，奈何要同一時間照顧兩個兒子，根本離不開屋企。
談到Ryan情況，杏兒指他出世時有7磅8安士，現時估計應該重了1、2磅：「佢好大食，我依家好似製奶機器咁，日日都要泵奶，不過都幫到快啲收身。（易湊？）佢好鍾意食奶，一餓就嗌到全屋都聽到，犀利過哥哥，但生細佬時就好順利，唔使痛好耐。（生第三個？）有計劃，但睇應唔應付到兩個先。（陳茵媺都得！）佢係Super Mom，不過都會問佢拎貼士。」