張若錡Fans變老公 照單全收
23歲模特兒張若錡昨日再戰書展宣傳寫真集，繼續大騷驕人四吋事業線，她笑言不希望令Fans覺得圖文不符：「佢哋唔係成日見到我真身。（Fans睇完本寫真有咩評價？）冇特別，但有個Fans剪晒我今年嘅報道，又有個喺澳門帶齊我喺台灣出嘅雜誌畀我簽名。」
問到寫真銷情，她坦言未知數字：「預購成績唔錯。（考慮加印？）未知，要睇公司，本書喺台灣有賣，以新人嚟講算唔錯。（會去台灣舉行宣傳活動？）想去簽書，公司有講過，係驚過到去反應唔好啫，賣晒啲書就搞，想同Fans有多啲互動，握手、抱抱會都得。」講到香港的Fans，她提議可以搞聚餐見面會。又自爆有Fans以「老婆」稱呼她：「私下Send Message畀我，係正常內容都會覆。」