鄧穎芝張紋嘉賣二手衫殺出財路
歌手唔易做！原本一心唱歌的張紋嘉（Crystal）和鄧穎芝（Vangie）都要作多方面發展，Crystal轉戰做舞台劇演員，Vangie更是健身教練，不過竟然因為處置舊衣物的問題，令兩人靈機一觸搞出間二手衫店來！
事關兩人合租工作室，閒來各自放了不少衣服和鞋，日積月累變成臨時衣帽間，兩人竟然忽發奇想索性做二手店特賣場來「清櫃」，而身邊藝人朋友梁靖琪、傅珮嘉、吳海昕、小肥、劉威煌、周美欣和KOL Emily等都紛紛踴躍支持將舊衫交給兩人，既不浪費又環保。
做5位數字生意
講到運作一個月出乎意料業績不錯，她們說：「已經做咗5位數字，我哋因時間關係，主要開星期六、日，或者預約就會返嚟開門，但工廠區周六、日似廢城咁，都冇OL嚟，所以我哋諗住改開閒日。」又稱銷情最好一定是名牌，Crystal指Vangie「離地」：「佢一個幾萬蚊嘅名牌包包話賣3千蚊，我最後8千蚊幫佢賣咗出去。」她們稱二手價很相宜，平至50、60元有牌子的高跟鞋到不用萬元就買到幾萬元的包包不等。
生意發展不錯，會否計劃轉地方開業？Vangie說：「會考慮，因為租約滿，亦都想搵個靚啲有窗嘅地方。除咗賣二手衫外，我哋都想展開另一個貨源，去韓國或者其他地方入貨，用我哋自己覺得靚嘅眼光試吓，簡單啲嚟講我哋係享受買嘅過程。」
