張兆輝抱病撲返港賀乖女15歲

張兆輝與太太郭碧妍育有一對子女張卓鏗（Edison）和張卓姿（Twiggy），對他們疼愛有加。在英國讀書的Twiggy近日放暑假回港，前日是她15歲生日，一班親朋好友與她慶祝，連身在橫店拍攝古裝劇《南歌嘹亮》的張兆輝，亦特意回港與女兒慶祝，愛錫之情表露無遺。

玩人肉三文治

他在網上分享多張慶生照，見父女倆在貼滿氣球的家中攬着合照，又向囡囡送吻及齊齊切蛋糕。另一張相見哥哥Edison及同場的表姐妹齊齊化身「人肉三文治」，疊在一起合照，Twiggy則笑不攏嘴。張兆輝留言送上生日祝福：「今年終於可以同我的寶貝珠過生日了，願你健康快樂成長。」

張兆輝受訪時表示在橫店拍劇，因天氣炎熱而病倒：「除咗熱仲不停落雨，我喺套劇入面要着軍甲，所以焗到病咗，不過我都捱到返香港先睇醫生。」又說女兒難得回港，加上15歲生日，即使抱恙亦要趕回港為她慶祝：「一年冇見，估唔到佢已經長得咁高，有5呎8、9吋。佢喺英國好忙，要慢慢適應生活，不過見佢成績有進步，我好安慰，幾辛苦都值得！」

兩兄妹與表姐妹玩人肉三文治。

張兆輝錫啖Twiggy。

被封偶像心歡喜

他又說家中的布置是Twiggy表姐妹的心思：「佢哋貼咗阿女嘅偶像同最愛嘅人嘅相喺牆上，有韓國男團防彈少年團（BTS）嘅隊長RM同成員Jin，同埋我呀！」此外，張兆輝近日出席白酒活動，好友揚言讓他一世任飲，他表示雖然愛飲酒，但朋友的酒濃度好高，不能飲太多。