藝人謝㺭圻（Jan，前名謝芷倫）日前於社交網發文，自爆身體不適又屙又嘔，更險些暈倒街頭，她表示：「坐車時超級唔舒服，肚好痛，之後食咗2粒止痛藥，點知過咗5分鐘，手麻痹、全身冒汗、好凍，落車後行步路都冇力，見到有棟大廈，就行入去坐，點知突然想嘔。」
Jan受訪時表示身體已冇大礙，估計因空肚食藥才導致反胃，並感謝大廈管理員的協助及慰問：「佢見我唔舒服想嘔，主動帶我去最近嘅男廁，仲喺門口出面睇住，話驚我暈咗冇人知，真係好多謝佢，我臨走時都不停同佢講唔該。」
