張達倫「勁揪」囝囝當豬係爹哋

張達倫於2016年6月與Kimmy結婚，婚後育有一子張凱碩（勁揪雞），並將太太跟前夫所生的繼女Chloe視如己出，一家四口幸福滿瀉。他解釋囝囝乳名取名「勁揪雞」的原因：「佢生肖屬雞，加上秋天出世，一聽『勁揪雞』好似好勁，多才多藝咁。不過依家我哋多數叫佢碩碩，因為發音似『錫錫』，好Sweet！」

小朋友的每個第一次，對父母而言都十分重要，張達倫回想「錫錫」第一次叫爸爸的情景，令他哭笑不得：「嗰次我哋去日本旅行，當時佢未夠一歲，我哋行開咗再返轉頭，佢見到我之後突然嗌爹哋，佢識得嗌爹哋，我好愕然！但係轉個頭，佢對住幅畫又嗌爹哋，對住隻豬又嗌爹哋，對住個Sales又嗌爹哋，所以我諗佢個心入面，所有事物都係爹哋囉！」

擔心唔畀抱

經常要密密開工拍戲的張達倫，難免錯過兒子某些成長過程，因而更珍惜相處的一分一秒，他說：「我去咗開幾日工，返到嚟佢又學識一樣嘢，所以有人叫我要Enjoy呢個Moment，佢長大得好快，錯過咗就冇。我好享受湊BB個感覺，亦享受同佢相處嘅時間，希望佢可以畀我繼續抱住、攬住、錫住，而唔會推開我。」

張達倫與囝囝到日本旅遊，第一次被叫爹哋。

「勁揪雞」日漸成長，趣致精靈。

育兒貼士

1.軟硬兼施

2.愛心加耐心

3.要貼心、親力親為