張建聲當陳嘉莉家人冇尷尬

藝人張建聲及陳嘉莉（Kelly）昨日出席hmvod線上影院活動，是兩人再度分手後首次一同現身，只見兩人毫無芥蒂，談笑自若。張建聲對與前女友同出席活動直言不尷尬：「大家都一段時間關係良好，屋企人嘅感覺，點會尷尬！」問到在電影《作家的謊言》內可有親熱戲？他笑言：「就係冇先發嬲，可能導火線係咁。」Kelly指今次雙方是和平分手：「諗咗一排，工作重要啲，我仲後生，可以專注啲。（會唔會又有復合機會？）暫時未係。」

突然轉講結婚

問到如果將來拍戲要演一對，可會尷尬？張建聲自言絕對冇問題：「最緊要睇劇本角色啱唔啱。世上冇100%嘅嘢，只係暫時性，將來嘅嘢冇人知。講埋今次就唔提，想專注番電影，唔想大家以為我哋又耍花槍。」期間他突然記者「上身」，自問自答講結婚，笑言因為復合已問到厭！問到是否與Kelly結婚？他說：「將來嘅嘢將來先算。」但Kelly笑言：「應該唔係我。」

攞番個安慰獎

他首次監製的作品票房不理想，坦言失望：「但冇得強求，惟有放輕啲，可能個天覺得未係時候，要再做好啲。」Kelly卻幫口說：「呢套戲口碑好好，仲成為10月喺芝加哥舉行嘅『亞洲躍動電影展』第九季嘅閉幕電影。」張建聲即說：「呢套戲冇主動參加任何影展，所以呢個都算係安慰獎，好感恩。」