陳美齡撇老公同「小鮮肉」旅行

歌手陳美齡昨日出席嘉年華活動，透露稍後會到書展宣傳：「同二仔金子昇平一齊寫咗本啱一家大細嘅東京旅遊書，嘥好多腳骨力，搞成年幾時間。」講到日前舉家到美國出席細仔金子協平的大學畢業禮，笑言「甩身」的她興奮指獲細仔邀請去葡萄牙旅行：「係二人世界，好期待！佢做緊暑期工賺錢，話同我去畢業旅行。（佢請？）佢出番自己嗰份。（老公唔呷醋？）由佢囉！個仔冇約佢，唔關我事o架！依家3個仔都大學畢業好安慰，幾辛苦都值得。」