岑麗香新手媽媽乜都驚一餐
藝人岑麗香昨日出席慈善活動，產後4個月的她已回復昔日身段，透露早前首次帶囝囝返加拿大探望公公及90歲的太婆，並於當地逗留兩星期，大讚囝囝於航程中非常乖巧，空姐及其他乘客也笑指不感覺到有嬰兒在機艙：「事前都驚氣壓問題，有朋友畀貼士話遇到氣壓時就餵奶，等BB冇咁辛苦，不過佢又瞓又玩，好乖。」
香香坦言囝囝年紀尚小，欲放多點時間陪伴，但老公也批准她「復出」工作，問到可捨得離開囝囝去開工？她笑說：「好難，我鍾意做嘢，今朝臨出門口佢起身，想同佢玩一陣，但老公就叫我出去，否則會遲到。」還在餵哺人奶的她表示會睇情況才暫停，問到何時開始為第二胎努力？她笑說：「未敢諗住，我係新手媽媽，等我再叻啲先諗，其實囝囝出世後好多嘢容易驚，好似佢第一次打噴嚏都驚佢係咪凍，要時間睇書學，我都有請教李亞男、陳敏之、宋熙年呢啲媽媽級。」