黎淑賢初見「新抱」醉Happy

黎淑賢保養得宜，完全唔似42歲。

黎淑賢前晚獲丈夫許智政大搞42歲生日派對，氣氛熱鬧，最開心莫過於「4條King」即四個寶貝仔同場慶祝，而身為契爺兼製作人的楊紹鴻、女星韓君婷及陳霽平等也有到場。身為女主角的黎淑賢以紅色低胸裙上陣，與老公又錫又攬，期間見一名長髮女子「融入家中」，影大合照時更依偎在長子Jacky懷抱，原來她是Jacky的女友。

拍拖半年狂放閃

黎淑賢和前夫盧惠光所生、現年20歲的Jacky高大帥氣，早前被睇中擔任泰國校園電影《The One You Love》做男一，原來這個筍盤已被同樣20歲、在網絡界略有名氣的Natalie封盤！常在社交網介紹美容化妝及玩樂資訊的Natalie，不時網晒水着照，充滿陽光氣息，獲網友大讚為「Sunshine BB」。擁有不少粉絲的Natalie不時分享與Jacky的甜蜜點滴，更情深留言：「I'm yours。No refunds。（我是屬於你的，不能退回。）」等，而Jacky也常以「I Love You」或心心符號秒回，早前兩人為慶祝拍拖半年，更特意搞浪漫飯局。

四名寶貝仔與老公許智政相處融洽，黎淑賢當然最開心。	Jacky與女友打得火熱，不時咀嘴放閃。	放大圖片

被大仔「隊冧」

黎淑賢昨日接受本報訪問，笑言被Jacky「隊冧」：「我估唔到佢飲得叻過我，畀佢幾杯酒搞掂咗，咁大個仔識飲酒係好事，可以保護媽咪。我好多謝老公，安排得好好，好開心，全部嚟嘅朋友，都係識咗雙位數嘅年份，生日願望當然係身體健康，四個仔聽聽話話。（Jacky帶新抱仔嚟慶祝？）囝囝第一次帶朋友嚟見我同我慶祝，非常開心，佢都大個仔，20歲嘞，新抱仔就唔好咁快講住，朋友啫。（覺得Natalie點？）好純、好有禮貌，我幾鍾意佢。」