阿偉@After10背老婆「滾床單」

樂隊After10近日推出新歌《不許於這旅途嬉戲》，其中已婚成員阿偉可謂艷福不淺，擔任MV男主角外，還「攞正牌」背住老婆與女主角有「床戲」攬攬錫錫，他笑言最不應做的是大膽借出婚戒做道具︰「就咁問老婆借，但唔知原來係借嚟畀第二個女人戴。（老婆睇到MV有唔開心？）冇，佢逆來順受！知我係做緊嘢嘅。」
阿偉與女主角有「床戲」，好彩老婆體諒！
阿偉與女主角有「床戲」，好彩老婆體諒！

三子透露會到台灣演出，但一直心繫香港想開本地騷︰「我哋一齊玩音樂都已經第16年，早幾年有邀請陳柏宇、方皓玟、鍾舒漫同鍾舒祺一齊Jam歌拍片，開騷請番佢哋做嘉賓就好。」但心中卻另有終極人選︰「請到偶像盧冠廷就最好！佢係我哋學習嘅指標。」

After10希望可以開港騷。
  • After10希望可以開港騷。