武打女星陳鈺芸（JuJu）有份拍攝電影《九龍不敗》，飾演UFC拳王Anderson Silva的太太，並跟張晉有兩場大型對打戲。她表示能跟兩大偶像合作感榮幸，還自爆是Anderson的小粉絲：「可以做到佢太太好開心！（有冇親熱戲？）最多都係攬攬同情深對望，有得錫都唔介意，想攞佢嘅螢幕初吻！」
講到武打場面，JuJu指與張晉會由屋邨打到上輕鐵，單是這場戲已拍足兩星期：「我同張晉都打到周身瘀晒，佢隻手仲起水泡，因為大家都唔錫身！動作設計董瑋仲即場加咗鋼管舞嘅動作畀我哋，好多動作都係即場設計、即場學，事前冇得排練！」又爆料指張晉當年拍過由其未婚夫司徒永華執導的電影，拍到斷骨仍默不作聲：「佢最近見我未婚夫先講起呢件事！佢真係個好演員，有型又有魅力。」