憑電影《格雷的五十道色戒》（Fifty Shades of Grey）成名的29歲美國女星狄高達莊遜（Dakota Johnson），與42歲英國樂隊Coldplay主音Chris Martin被爆分手，令身邊人大感意外！
狄高達與Chris被爆已於上月分手，結束兩年情，知情者透露：「本來兩邊仲傾緊訂婚，但男方依家講佢哋已經分手，令大家都好意外！Chris同狄高達都係好隨和嘅人，一齊時成日都好開心咁。」
兩人戀情非常低調，首次傳出緋聞是於2017年10月，被拍到一起吃壽司，但對上一次拍拖公開露面已是去年11月。今年4月，知情者指兩人仍非常甜蜜：「Chris住喺馬利布，狄高達好鍾意去嗰度。佢哋有時同朋友一齊食晚飯，但多數係喺屋企食。佢哋又會一齊行海灘同喺附近散步，似乎好享受平靜生活，而佢哋亦愈嚟愈認真。」
Chris與美國女星前妻桂莉芙白德露（Gwyneth Paltrow）育有14歲女兒Apple與12歲兒子Moses，離婚後關係良好，去年一家齊過感恩節，而桂莉芙更與狄高達共同聚會！兩人相處愉快，曾拍下笑容滿面的老友合照。