前港姐鄭文雅昨日出席其篆刻老師李國泉的師生聯展，當中也有其作品，她透露展覽籌備一年多時間，以往她曾展覽過相片、陶瓷、書法等，篆刻作品則是首次公開，其中一幅作品花年多時間完成：「我將《易經》入面嘅64卦同有意義嘅文字，刻喺石頭再印出嚟，《易經》分陰陽，我分別用凹字同凸字，有時我都搞錯要重刻，係好艱巨嘅工程，而且刻喺石頭上面要好用力。」
