側田唱「傷」情歌為兩個女人爆喊

播出有關人生、愛情和親情觀的短片時，白色棺材再現舞台，全男班嘉賓包括方力申、小肥、劉浩龍、組合C AllStar成員釗峰和King手執白玫瑰出席側田的「喪禮」，將玫瑰扔進棺材及作道別後，側田企在棺材內唱出《不經不覺》。

怨氣重瞓維園

側田邊彈結他邊唱出《大雄》，道盡做音樂人的辛酸：「嗰年《大雄》攞（叱咤）十大，但我作曲都未搵到食，未入行，其實開心又唔開心，覺得上天畀才華我，但要捱餓。仲記得我瞓喺維園個草地度喊，好多怨氣，但經過16、17年後，我可以企喺紅館同大家唱歌，唔再喺維園草地自己一個，永遠都會珍惜呢個beautiful curse。」

認脾氣暴躁

個唱上，他趁機向最愛的兩個女人「表白」，先喊住向專程由美國來捧場的媽媽唱《兩個女人》，她即遞上紙巾給兒子抹淚，坐在媽媽旁邊的圈外女友，則向男友送飛吻。側田指《情永落》是在經歷最傷一次的失戀時創作：「我係習慣受傷嘅人，多謝傷害我嘅人。」並指要多謝一位懶、固執、臭脾氣、難相處、貪玩、脾氣暴躁的人，歌迷大叫「側田」，他說：「我肯承認面對自己嘅唔好。」

側田媽媽及女友在台下默默支持。	側田變凸腩老人，造型花盡心思。	釗峰及劉浩龍等手執白玫瑰獻唱。

他唱《美麗之最》時再流淚，Encore環節時，剖白內心世界指幾個月前為攻擊他的人而嬲，本想在個唱上「還擊」，但明白到不能取悅所有人，因此下定決心：「會繼續做好呢十幾年嘅嘢，冇人可以打死我！」