郭晶晶3個夠熱鬧宣布封肚
「跳水王后」郭晶晶、李日朗、港姐季軍丁子田及名模Amanda S.等，昨日出席慈善保齡球大賽，晶晶老爺霍震霆亦在場。今年初誕下第3胎囡囡的晶晶看似收身成功，但她笑言：「仲未瘦夠，差幾磅。（特別Keep Fit？）唔係，餵母乳就自然瘦。」並透露囡囡改名Laurina。她指今胎是計劃之內，但笑言已生夠：「3個都幾好，屋企好多聲音，好熱鬧。」
老爺開心湊孫
晶晶指大仔很錫兩個妹妹：「佢都想幫手湊，但係唔知點湊，所以叫佢小心啲。（湊3個辛苦？）唔會，哥哥已經大個，可以照顧自己。（老公霍啟剛錫晒兩個女？）唔會，佢全部都錫。（老爺係咪好開心？）好開心，有時間會過嚟同佢哋玩。」
同場的李日朗透露會落場比賽，自言打保齡球叻，更曾參加公開賽，又自爆左腳患痛風：「連保齡球都攞唔起，因為身體平衡唔到，依家要每日Keep住食藥，食完先可以自由活動，今日會盡力打。」
