養子患心臟病學校唔收 張慧儀鬧校長冇愛心

單身的張慧儀與Hanson多年來相依為命，她表示因工作經常在內地不同地方暫住：「Hanson每去到一個新嘅城市，都要搵新嘅學校。有次我哋去一間學校面試，佢哋話唔收，原因係Hanson有先天性心臟病，我嗰刻真係好嬲，企起身鬧校長，話佢哋係一間冇愛心嘅學校，就算肯收我都唔會畀Hanson讀！依家諗番好難忘。」

正能量感染小朋友

去年Hanson接受心臟大手術，張慧儀坦言當時心情忐忑，但為了孩子的將來，終於憑意志捱過難關：「喺Hanson未完全恢復意識嗰段時間，我真係好不安、失落，但我知道唔可以畀自己沉浸喺負面情緒，咁樣解決唔到問題，所以我為咗囝囝，好快振作起嚟。」她覺得家長正面的思維及價值觀，會感染小朋友，保持樂觀心態對下一代的成長非常重要。

育兒心得

1.選擇學校應視乎是否適合小朋友，不要盲目追求名校。

2.小朋友的成長會受到家長影響，應減少消極思維。

3.求學不是求分數，小朋友的品德比成績重要。

張慧儀最大願望是Hanson身體健康。

嬰兒時期的Hanson可愛爆燈。