藝人陳煒出席其代言的廚具品牌活動，她稱代言酬勞每年有遞增，又獲贊助廚具，可慳回不少。廚藝了得的她表示無意上藍帶廚藝課程或投資飲食生意。提到早前在節目《如果這樣生活》中重提離婚時表現感觸，她直言：「係時候要放下，都過咗咁多年，節目出街後，我個心理學老師睇完話覺得我仲未放低，我覺得自己放低咗，可能潛意識唔係，如果七月有時間都想去上心理學堂。」
同場謝雪心戲言如果自己做烹飪節目可命名為《心滋味》，又指可教煮寵物美食。
