超盈度身造姊妹裙：我個肚好巨型！

超盈透露預產期為8月底。

前仁濟醫院主席嚴玉麟女兒嚴紀雯（Carmen）下嫁家族經營建材生意的Jeffrey Char，婚禮分兩日進行，前日接新娘後於酒店註冊及舉行酒會，昨日則筵開45席。一對新人拖手現身，Carmen大讚老公：「我由細到大都係好開心嘅人，但一直覺得欠咗啲嘢，係佢令到我覺得生活好幸福、美滿，咩都放我喺第一位。（畀幾多分老公？）媽咪都畀200分，我梗係畀400分！如果唔高分，我都唔會嫁佢。」並透露度蜜月後計劃造人。

婚宴特別邀請森美及宋熙年擔任司儀，還邀得菲籍演員姬素孔尚治（Crisel Consunji）表演，出席賓客有導演劉偉強夫婦、楊超成、湛琪清夫婦、顧紀筠夫婦及嚴紀雯舊愛陳浚霆等。

留港開刀生女

賭王何鴻燊四房女兒何超盈腹大便便與未婚夫赴宴，擔任嚴紀雯姊妹團成員的她，談到佗B女笑言終於明白做母親不易：「佗BB原來係咁辛苦，依家長期都覺得好攰。（你增磅幾多？）醫生話我係正常，BB女比其他人嘅Size大咗兩個星期。」並透露預產期由9月提前到8月底：「會喺香港開刀生，請晒陪月同埋買晒嘢準備，媽咪好緊張，由佢一手包辦。」超盈又指其姊妹裙是新娘為她度身訂造：「因為我個肚好巨型。」

嚴紀雯翹實老公晒恩愛。

放大圖片

提到早前過大禮時排場奢華，超盈說：「依家咩都畀晒BB，嗰間屋係新屋，媽咪好迷信，話生完先搞BB房裝修。」將於葡萄牙舉行婚禮的她表示，因早前已進行過大禮儀式，故未必在港搞婚宴。