周沛言單飛靠老公揼本
前跳唱組合O.M.G.成員周沛言（Priscilla），年前因成員間鬧不和而毅然退出，近年以單飛姿態重新出發，不但重拾唱跳歌手身份，還百足咁多爪，踩過界做網紅、節目主持，並有幸一嘗做微電影女主角的滋味。
講到瓣數多多，Priscilla表示始終最愛唱歌：「最近多咗好多新嘗試，好感激大家願意畀機會我，但我亦唔會放棄歌手身份，嚟緊除咗會出新歌，挑戰新嘅舞蹈風格，亦計劃緊同其他歌手合作，仲想開辦音樂會，希望到時會有耳目一新嘅感覺。」她又自爆因工作不穩定，有時甚至「零收入」，幸得魔術師老公香蕉王子出錢又出力，默默支持她繼續追夢，令她相當感動。
