「龔燁」走出低潮 張景淳操Fit迎新肌遇

藝人張景淳入行多年，憑劇集《天與地》的「家明」及《使徒行者2》的「飛機哥」為人熟悉，但他表示原來遇上「飛機哥」前，曾陷入一段低潮期：「嗰陣冇劇拍，只係得主持工作，我每日就返工，返完工就返屋企，大部分時間留喺屋企，感覺都似放緊一段長假咁。」
張景淳近日密密操肌，備戰迎接下一個「肌」會。
張景淳近日密密操肌，備戰迎接下一個「肌」會。

直至飾演「飛機哥」彈起，再憑劇集《愛．回家之開心速遞》「龔燁」一角成功入屋，令景淳的事業更上一層樓，他說：「『飛機哥』係上一級，『龔燁』就再上一級，自己都好開心呢個角色帶畀我好多工作機會同粉絲，依家好畀心機去健身，因為做演員係要有準備，萬一他日要我去演一個要打或騷肌肉嘅角色，我唔係嗰啲可以一下子練到嘅人，所以要Keep住個外形，希望有日會用得着。」

  • 放大圖片
張景淳與呂慧儀的「龔水戀」成功入屋。
  • 張景淳與呂慧儀的「龔水戀」成功入屋。