將於10月嫁作台灣媳婦的組合Super Girls成員Jessica，在社交網上載婚紗照。昨日她透露是在台灣拍攝婚照的花絮相：「今個月底會去日本影戶外嘅婚紗照，揀呢兩個地方，主要係我鍾意嘅攝影師啱啱喺度，所以先會飛過去影。」她表示婚禮正籌備中，自言不屬於對婚禮很有要求的人，因為怕麻煩，所以一切從簡：「相比起辦婚禮嘅過程，我更享受成日同屋企人聚埋一齊食飯嘅時間，因為一直都好期待家人同男友嘅家人見面，大家相處融洽，熱熱鬧鬧食飯嘅場面，呢日終於到啦！」