藝人張文慈（Pinky）之前因受內地狂迷滋擾報警求助，本報昨日收到有讀者爆料指她經常要求粉絲出席其活動支持及送禮，粉絲並要求她歸還之前所送的禮物，又自稱比她更早報案。
對此，Pinky表示已找律師商量，考慮告有人誹謗：「有人成日斷章取義，我都有好多截圖。我好樂意行出嚟同佢對質，我嘅感情同聲譽上受影響。如果佢早過我報警，我去到差館都會有人同我講，點解我報警後一星期佢先出嚟講。」至於指她對粉絲要求多多，她反駁說：「我有叫佢哋唔好嚟，但有人堅持嚟，不過影完相，連個活動都未開始就走。好多人睇住我叫佢唔好送禮，叫佢唔好寄，佢都繼續寄，頭一兩次收係諗住呢啲係粉絲心意，唔收唔尊重。」