鄧卓殷怕搭沉船減磅出賽
藝人鄧卓殷（Amber）、丁子田、區永權及莫家淦等昨日出席《己亥年沙田龍舟競渡》活動，並齊齊宣傳在翡翠台播映的內地劇《幸福一家人》。為TVB龍舟隊擔任鼓手的Amber透露，近日上網努力惡補相關知識，更特別節食減重，以免增加隊友負擔，最終TVB龍舟隊在「中龍混合邀請賽-無綫盃」獲得第五名。
對於同屆港姐陳曉華近日為首部劇集開工，Amber與丁子田都戥她高興，Amber表示：「我嚟緊都主持節目，有機會梗係想拍劇，最想同森美合作，因為以前做嘢都會聽佢個電台節目。」而丁子田自爆鍾情黎諾懿：「佢好好人，係個好榜樣，都想一齊合作。（你教佢普通話？）一齊學啦！」
至於區永權帶同兩個兒子現身，提到父親節將至，兩兄弟笑指會「送屁股」：「爸爸好鍾意咬我哋Pat Pat！」區永權即笑住解釋：「佢哋個Pat Pat好彈嘛！」
